Justin Trudeau

Justin Pierre James Trudeau (/ˈtruːdoʊ, truːˈdoʊ/; basa Prancis: [ʒystɛ̃ tʁydo]; embas 25 Désémber 1971) inggih punika Mahamantri Kanada daweg 2015 miwah murdan Parté Libéral Kanada daweg 2013.^{[1] [2]} Trudeau manados Mahamantri Kanada pinih anom ka-2. Ida taler dados putran Mahamantri Kanada sané riin, inggihnyané Pierre Trudeau.^[3]

Justin Trudeau embas ring Ottawa, raris ngranjing sekolah Collège Jean-de-Brébeuf. Ida tamat Univérsitas McGill duk warsa 1994, raris Univérsitas British Columbia duk 1998. Ida madué gelar Bachelor's ring baga sastra miwah ring baga pangajahan (pendidikan). Sasampun kawisuda, Ida makarya pinaka guru ring Vancouver.^[4] Ida ngawit malajah ilmu téknik ring École Polytechnique Montreal duk 2002 nanging nénten tamat. Raris, Ida ngawitin program S2 ring baga géograpi lingkungan ring Univérsitas McGill nanging nénten tamat malih.^[5] Ida naen makarya pinaka guru snowboard miwah penyaga nightclub.^[6]

Duk pemilu fédéral 2008, Ida kapilih pinaka anggota DPR Kanada. Duk April 2013 Trudeau manados murdan Parté Libéral raris menang ring pemilu 2015. Sadurung pemiluné punika, Parté Libéral wawu manados parté sané ka-3 ring DPR, anggén 36 anggota, nanging ring pemilu 2015 parténé ambil 184 palinggihan.

Ring pemilu dadakan duk 20 Oktobér 2019, Trudeau miwah Parté Libéral menang malih, anggén 157 kursi ring DPR.^[7]

1. ↑ "'This my friends, is what positive politics can do,' says Justin Trudeau in victory speech". thestar.com.
2. ↑ "Justin Trudeau pledges 'real change' as Liberals leap ahead to majority government". cbc.ca.
3. ↑ "'We're back,' Trudeau tells allies abroad". hamiltonnews.com.
4. ↑ "Vancouver schools remember new PM Justin Trudeau as a great teacher". globalnews.ca.
5. ↑ "The truth about Trudeau". torontosun.com.
6. ↑ "Justin Trudeau Fast Facts". CNN.
7. ↑ "Canada election: Trudeau's Liberals win but lose majority". BBC.